Suliffeqarfiit 2016-imi siuariarluartut

Kalaallit Nunaata aningaasaqarnera 2016-imi assut ingerlalluarsimavoq. Nunatsinnimi tunisat ataatsimut nalingisa qaffariaataat syv procentimik qaffasinneruvoq, maannalu Kalaallit Nunaanni naatsorsueqqissaartarfiup kisitsit amerlanerit suliffeqarfiit 2016-imi qaffariaatigisimasaat saqqummiuppai.
Allattoq Thomas Munk Veirum
marsip 15-at 2018 15:13
Nutserisoq Erna Lynge

- 2016-imi ineriartornerup takutippaa kaaviiaartitat koruuninik 2,2 milliardenik qaffassimasut. Kalaallit Nunaanni naatsorsueqqissaartarfiup naatsorsuiffimmi kisitsisit atorlugit nassuiaasiornerani saqqummeqqammersumi takunerqarsinnaavoq kaaviaartitat katillutik koruunit 21,5 milliardiusut.

Kisitsisit atorlugit nassuiaasiornerup takutippaa assigiinngitsumik piginneqatigiiffiit (anpartsselskabit, aktieselskabit  andelsselskabillu)                                                                             
Kalaallit Nunaanniittut ineriartornerannik tamakkiiisumik isiginnissinnaaneq. Taakku pissarsiarineqarput suliffeqarfiit naatsorsuutaat CVR-ikkut takuneqarsinnaasut aallaavigalugit.

Suliffeqarfiit 689-it naatsorsuinerni ilaapput.

AAMMA ATUARUK 2016 siuariartorfioqisoq

Suliffeqarfiit nalingisa qaffariarnerat; akiligassat akilereerlugit iluanaarutit milliardimik ataatsimik qaffapput, koruunit 7,9 milliardingorput, imaluunniit 13,5 procentimik qaffallutik.

Kalaallit Nunaannili naatsorsueqqissaartarfik naapertorlugu sulisut ataasiakkaat nalingisa qaffariarnerpaaffiat aalisarnermiippoq.

Akileraarutit ilanngaatigereerlugit suliffeqarfiit katillugit koruuninik 1,4 milliardit missaannik iluanaaruteqarput. Suliffeqarfiit tamarmik iluanaaruteqarsinnaanerat agguaqatigiisillugu iluanaarutinit 4,1-imiit 8,1 procentimut qaffappoq.

Aamma atuaruk