Stjerneskibimi hashi annertooq arsaarinnissutigineqartoq

Hashi 100 kiilu jointillu 10.000-it. Politiit Christianiami Stjerneskibimut, aamma Kalaallit Illuutaannik taaneqartartumut, sapaatit-akunnerata siuliani iserterlutik misissuinerminni taama arsaarinnissuteqartigipput.
Allattoq mlk, Simon Uldum
marsip 06-at 2014 09:30

Vicepolitiinspektør Torben Svarrerip Ekstra-Bladetimut oqaatigaa, arsaarinnissutigineqartut aqqusinermi tuniniarneqartuuppata 5,5 millionit koruuninik iluanaarutigineqarsimassagaluartut.

Arnat marluk angutillu arfinillit ikiaroornartunik tuniniaasimasutut pinerluttulerinermilu inatsimmi ikiaroornartoq pillugu aalajangersakkanik unioqqutitsisimasutut tigusarineqarlutillu unnerluutigineqarput. Illumi najugaqartut hashimik annertuumik toqqortaateqarsimanersut imaluunnit illu allanit toqqorsivittut atorneqarsimanersoq politiit maanna paasiniarpaat.

Stjerneskibet nalitsinni siullerpaamik razziarfigalugu misissuiffigineqarpoq. Politiit haship saniatigut aamma seqqortartut 50-it, qupinnguallatsittaat, savissuaq, qasilittunik seqqartaatit pingasut, anaataq savittalik aningaasarpassuillu arsaarinnissutigaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq