Per Stig Møller nunatsinni tikeraarpoq
Nunanut allanut ministeri Per Stig Møller nunatsinni tikeraarpoq, Nuummullu pilersaarutit malillugit ualeru tikissaaq.
Nuummut piguni Aningaasanut Nunanullu Allanut Naalakkersuisoq Josef Motzfeldt oqaloqatigissavaa, tamatumalu kingornatigut Inatsisartut nunanut allanut sillimaniarnermullu ataatsimiititaliaannik oqaloqateqassalluni.
Ataatsimiititaliami siulittaasoq Lars-Emil Johansen ullaatungaa oqarpoq, ministerimik oqaloqateqarnissartik ilisimatitseqatigiinnerussasoq, pilersaarutaasorli Nordvestpassagep, tassalu ikerasassuup Canadap avannaani aqqutigineqarsinnaasup apeqquteqaateqarfiginissaa.
USA isumaqarpoq, tamatuma nalaa nunat tamalaat oqartussaaffigigaat, Canadamiulli oqartussaaffimminnik nakkutilliinerminnut ilanngullugu nakkutigisalersimallugu.
Taamaattumik Lars-Emil Johansenip nunanut allanut ministerimut Per Stig Møllerimut ilanngullugu apeqqutigerusuppaa, Canadamiut nakkutilliinerat Danmarkimi naalakkersuisut qanoq isumaqarfigineraat oqartussaaffilerngusaattoqassappallu katataannginnissaq pillugu pilersaarusiortoqarnersoq taamaattoqarsimanngippallu pilersaarusiornissaq eqqarsaatigineqarnersoq.
