Kalaallit amerlanerusunik arfattassineqarnerannut suliuniuteqarluarsimasutut qallunaat nunanut allanut naalakkersuisuat Per Stig taassumalu atorfilittai
folketing-imi ilaasortap Sofie Rossen-ip nersualaarpai, ippassaq naggammik folketingimi sulinermini ritzau-imi tusagassiortumik oqaloqateqarnermini.
Nerisarpagut, soorlu qallunaat nunaanni naatsiat siulliit Samsø-imi tuniniarneqaleraangata uitsatigalugit pisiariniarneqartartut, maannakkut oqaloqatigiinnitsinni illigalugit kaalerpunga, Sofie Rossen ippassaq ritzau-imi tusagassiortumik oqaloqateqarluni taamatut oqarpoq.
Kalaallit nunaanni tigaallittassat 25-inik ilaneqarput, taamaalillutik ukiumut 212-inik amerlatigisunik tikaagullittassinneqarluni. Pisassiisoqartarnermi nutaarluinnartut arfivinnik marlunnik kalaallit nunaat pisassinneqarpoq, tikaagulliusaanillu 19-inik pisassiineq siuliinut naleqqiullugit allannguuteqarani. Nunap inoqqaavinut immikkut pisassiisarneq atorlugu kalaallit nunaat arfattassanik pissassineqarpoq. Kalaallit Nunaat qipoqqarnik marlunnik pisassinneqarnissamik kissaateqarsimagaluarpoq, aappaagumulli kinguartinneqarpoq.