Stephen Harper sukumiisumik angalassaaq

Canadap ministeriunerata Stephen Harperip Canadap issittortaanut angalasarnini nangillugit aatsaat taama sukumiitigisumik ukioq manna angalassaaq. CBC-p nittartagaani tamanna atuarneqarsinnaavoq.
aggustip 04-at 2009 11:33

Ullut tallimat angalaassaaq, Northwest Territoriesimut, Yukonimut minnerungitsumillu Nunavummut angalassagami.

Canadap Issittup ilaanut oqartussaanera naqissuserniarlugu Stephen Harper angalaniarpoq.

Angalaneq umiarsuarmut sorsuummut HMCS Torontomut qulimiguulimmit ikinermik aallarnerneqassaaq.

Umiarsuup taassuma Qeqertaaluup sineriaata nalaani qaammammik ataatsimik sivisussuseqartussamik sungiusarnissaq aallarnereeraalu Stephen Harper angalassaaq.

Taamaalereerpat Harperip naalakkersuisoqatini Iqalunni ataatsimeeqatigissavai.

Stephen Harper 2006-ip aallartilaarnerani Canadami ministeriuninngorpoq, Canadallu issittortaanut ukiut tamaasa angalasarluni. Ukioq manna aatsaat taama sukumiitigisumik angalasoqassaaq.

Amerikamiut, russit, sverigimiut, finlandimiut norgimiullu Issittumi sakkutuuliisarnitik ukiuni kingullerni annertusarpaat, Canadallu Issittumi annertunerusumik sakkutuuliinissaa Stephen Harperip pingaartutut isigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq