Stephen Harper ajugaassangatinneqarpoq
Canadami konservativet partiiat Canadami aqagu qinersisoqalerpat ajugaassangatinneqarpoq.
oktobarip 13-at 2008 17:01
Ministeriuneq Stephen Harper, januaarimi 2006-imili siuttuusoq suli ingerlaqqissagunartoq qinersisartunik isumasiuinerup ersersippaa, tassami illuatungerisaminut liberaliusumut Stephane Dionimut sanilliullugu 8 procentimik siuarsimaneruvoq.
Qineqqusaarnerup ingerlanerani annerpaamik aningaasaqarneq oqaluuserineqarpoq.
Stephen Harper qinerneqaqqissagaluarpat Canada ukiut sisamat ingerlanerinnaani qinigaaffiit pingajussaanik kingumut naalakkersuinikkut ikinnerussuteqartunik naalakkersuisoqaqqilissaaq.
Canada nunanut allanut suliffissuaqarfiusunut sanilliullugu aningaasaqarnikkut ingerlalluarnerujussuuvoq, taamalu USA-mut sanilliullugu Canadamiut bankii akiliisinnaajunnaarnissamut navianartorsiunnginnerujussuullutik.
