Steins inuussutissaqarnermut aqutsisoqarfimmit soraarsitaapput
Laboratoria privatinit ingerlanneqartoq Eurofins Steins aqutsisoqarfimmit ukiuni kingullerni marlunni piumaffigineqarsimagaluarpoq, timmiaatini tunisassiaasartuni - kukkukuuni, qeerlutuuni allanilu - campylobacter-eqassutsimik sukumiisumik misissuissasoq. Aqutsisoqarfimmit paaserusunneqarsimagaluarpoq bakteria taanna timmissani qanoq annertutigisumik nassaassaanersoq timmissanilu sorlerni nassaassaanersoq.
Steinsip misissuisarfiutimini igalaaminernik bakterissanik misissugassanik imalinnik iluamik allattuisarsimanngilaq nalunaarsortagaalu paatsiveqarsimanatik.
- Steinsimi allattortarsimasaat atorsinnaanngilagut. Takusinnaanngilarput soorlu bakteriat campylobacter-it qanoq timmissani Danmarkimeersuni nunanillu allaneersuni amerlatigimanersut, Inuussutissaqarnermut aqutsisoqarfimmi pisortaanerup tullia Annelise Fenger BT-mut oqarpoq.
Salmonellat campylobacterillu sukumiisumik misissorneqartariaqarsorineqarput, nappaalanerit pinngitsoortinniarlugit,
- Taamaammat neriuppugut Danmarkimi Teknisk Universitetip Steinsimit pitsaanerusumik sullissinnaassagaatigut, Fenger naggasiivoq.