Stein Baggerip suleqataa eqqartuunneqarpoq
IT-Factorymi pisortaasimasup Stein Baggerip niuernikkut ukiorpaalunni suleqataa svenskeq, Mikael Ljungman, ukiuni arfinilinni ullumi parnaarussassanngortinneqarpoq.
marsip 26-at 2010 07:05
Danmarkimi suliffeqarfiit ilaanni mamianartuliaq oqaluttuarisaanermi annerit ilaat pillugu eqqartuussineq naammassivoq. Nutaarsiassaqartitsivimmi Ritzauimi taama allaaserinnittoqarpoq.
Qarasaasialeriffimmi IT Factorymi milliardip sisamararterutaanik peqquserluttuliorsimasutut Ljungman eqqartuunneqarpoq, tassungalu atatillugu akiliisinnaajunnaarnermi pigisat nalingi 200 millionit koruunit akilertussanngorlugit.
Stein Baggerip suliamut tunngatillugu iliuuserisarsimasai Ljungmanip ilisimasaqarfigisimanngikkai, Ljungmanip illersuisuata oqaatigaa. Eqqartuussisorli allatut inernilerpaa. Ljungmanilu ukiuni arfinilinni parnaarussassanngortinneqarpoq.
Aalajangiinerli Mikael Ljungmanip suliareqqitassanngortippaa.
