Stein Bagger nunami allamiippoq
Qarasaasialerisuni IT-Factory-mi sulisut allat ilisimanngisaanik Stein Bagger isertortumik allaffilioriarluni Panamamilu suliffeqarfilioriarluni kingorna aningaaserivimmi kontoliorsimasoq qanittukkut paasinarsivoq, Baggerip periarfeerunneqarneratigut allaffiliarisimasaani pappiarat allagartallu uppernarsaataasinnaasut nassaarineqarmata.
Maanna tassa nalunaartoqarpoq, Stein Baggeri aningaasanik peqquserlunnissamut pinngitsaalineqarsimasoq allaat inuunerata ilarujussua annikilliorfiungaarsimasoq oqaatigineqarluni.
Stein Baggarip siusinnerusukkut nalunaarutigaa, ukiuni sisamani siorasaarisunut aningaasanik akileeqqusaasarsimalluni ilaquttanilu ulorianartorsiortinniarneqartarsimasut.
Maanna nunami allamiinnini nalunaarutigaa, nunamilu tassani politiit naalagaaffiullu isertortumik paasiniaasartui suneqarsimanerminik ilisimatissimallugit oqaatigalugu.
