Sverige: Stefan Löfven statsministerissatut Riksdagenimi itigartitsissutigineqartoq
Sverigemi socialdemokratit siulittaasuata Stefan Löfvenip, Sverigemi maanna statsministeriugallartup, statsministeritut ingerlaqqinnissaminut kissaataa piviusunngorsinnaajunnaarpoq. Inatsisartunimi Riksdagenimi amerlanerussuteqartut Löfvenip statsministeritut ingerlaqqissinnaanissaa itigartitsissutigaat.
Sverigemi socialdemokratit siulittaasuat Stefan Löfven
Allattoq Ritzau
decembarip 14-at 2018 09:01
Nutserisoq Mads Lynge
200-t itigartitsipput, 116-it akuersillutik, 28-llu taaseqataanatik.
Riksdagenip siulittaasua Andreas Norlén, statsministeritut sassarsinnaasumik, amerlanerussuteqartunit tapersersorneqarsinnaasumik, nutaamik maanna nassaarniartariaqassaaq.
Taamatulli pisoqarneratigut Sverigemi qinersisoqarnissaa qanilliartortoq, Andreas Norlénip tusagassiutinut nalunaarummi aamma oqaatigaa.
Tamanna pillugu pilersaarusiornissamut alloriarnerit siulliit tiguniarlugit taassuma Sverigemi nutaarsiassaqartitsivimmut TT-mut oqaatigaa.
Sverigemi inatsisartunut septembarip ulluisa qulingiluaannili qinersisoqarmat naalakkersuisoqanngilaq.
