Steen Lynge, Atassummiit akerliliivoq
- Atassumminngaanniit pingaartikkaluarparput namminersortunngorsaanissaq, kisiannili namminersortunngorsaaneq anguniaannarlugu taamaaliortoqartarnissaa isumaqatiginngilluinnarparput, Steen Lynge taama oqarpoq.
Michael Rosingippit qineqqusaarutaanut ilaavoq, Namminersorlutik Oqartussat nunaqarfinnut illoqarfinnullu isorliunerusut pilersuinerat inuiaqatigiit akissaajaatigiunnaartariaqaraat, taamaattumillu nunaqarfimmiut illoqarfiillu isorliunerusut namminersorlutik niuertunit pilersorneqalertariaqartut siunnersuutigalugu.
Michael Rosing-ip taama siunnersuuteqarnerata pilersissavaa namminersorlutik niuertut akigititaannik nunaqarfimmiut pisiassaqalernissaat, Steen Lynge oqarpoq, nangillunilu:
- KNI-p kiffartuussinermini nunaqarfiit tamaasa kiffartuuppaat pisussaaffigalugillu, taamaattumillu nioqqutissanik pilersuinerminni nunaqarfiit inuttussusaat naapertorlugit pilersuillutik, tamassumalu kinguneraa akit nunaqarfiup innuttaannut naleqquttut akigitillugit. Namminersortunit tamanna aallunneqaleraluarpat akit allanngornissaat qularnanngilaq, tassalu tamanna aarleqqutima annersaat, Steen Lynge oqarpoq.
Taassuma oqaatigaa, Namminersorlutik Oqartussat KNI suleqatigalugu nioqqutissanik nunaqarfimmiunut pilersuineri maanna inuiaqatigiinnut akikinnerpaajusoq, tamassumalu ingerlatiinnarneqarnissaa Atassutip iluarisimaarpaa:
- Inuiaqatigiit akisunermik pilersorneqalissappata, uangut partiitut pingaaritagut, tassalu namminersortunngorsaanerit pingaartikkunnaassagaluarpagut, siunniutissagaluarlutigu inuiaqatigiinnut akikinneq ujartussallutigu, Steen Lynge oqarpoq, isertuunneranngilaali nunaqarfinnut pilersuineq ajornartorsiuteqarmat, naak tamanna ukiuni 20-ini isumaqatigiissutit najoqqutaralugit ingerlanneqareeraluartoq. Ajornartorsiullu tamanna qaangerniarlugu, Namminersorlutik Oqartussat KNI-mut piusaqartariaqartut taakku nalunaarusiornissaannik ullumikkut pilersuineq eqqarsaatigalugu
