Statsminister Helle Thorning: Naalagaaffeqatigiinnut tunngasuuvoq

Ministeriunerulli ilutigalugu erseqqissaatigaa, uranip piiarneqartup, Danmarkimillu oqartussaaffigineqartup, Kalaallit Nunaannit atorneqarnissaa pillugu suli eqqartugassaqassaqisoq.

- Uranimik piiaanissami, avammullu niuernissami, nunanut allanut, illersornissamut isumannaallisaanermullu pingaarutilinnik suli aalajangigassaqassaaq. Tamannalu Naalagaaffeqatigiit suliassaraat, ministeriuneq nutaarsiassaqartitvimmut Ritzauimut oqarpoq.

Tamanna pillugu Danmark Kalaallit Nunaallu sivisuumik, sulilu maannamut. qanimut oqaloqatigiipput, Helle Thorning-Schmidt erseqqissaavoq.

Siumut isumaqatigiissusiortoqassanersoq, utaqqimaartoqassanersorluunniit, tassa pisussat taamaattussaannartut tiguneqartassanersut, maanna oqaaseqarfigiumanngilaa.

- Inatsisit pillugit oqallinnissaq siunertaqanngitsoq isumaqarpunga. Qulaajaalluta aallarteqqammiinnarpugut, aaqqiissutissanillu pitsaasunik silatusaarluta nassaarniartariaqarpugut, Helle Thorning-Schmidt oqarpoq.

Pissanganarluinnaqqissaartumk ippassaq taasisitsineq Danmarkimi tusagassiorfinnit politikkikkullu uitsatigineqartorujussuuvoq. Urani kimut-/kikkunnut tunineqarsinnaassanersoq Naalakkersuisut Danmarkimilu Naalakkersuisut pakassummissutigissagaat aamma ersarilluinnarpoq.

Niuernermut Europamullu ministeri, Nick Hækkerup, Villy Søvndalip napparsimanerani nunanut allanut tunngasunut ministeriugallartoq, ullumi oqarpoq, piiaaneq uranimillu avammut niuerneq eqqarsaatigalugu tamanna nunanut allanut, illersornissamut isumallaassisaanermullu poilitikkimut isumalerujussuussasoq.

- Naalagaaffeqatigiinnermut attuumassuteqartorujussuuvoq, Nick Hækkerup erseqqissaavoq.

Naalakkersuisut suleqatigalugit Danmarkimi Naalakkersuisut suleqatigiinnissamik isumaqatigiissutip killissaata? sulissutiginera ingerlateqqissavaat.

Uranimik piiaanissamut akuersissut pingaarnertut anguniagaappat Naalakkersuisut suli naaggaarsinnaapput.

Kuannersuarni aatsitassat qaqutigoortut. nunarsuarmi annersat, nassaassaapput. Uranilu ilaalluinnarpoq.

Danmarkimi Naalakkersuisut Nunatsinnilu Naalakkersuisut isumaqatigiissinnaanngippata, Namminersorlutik Oqartussani inatsit naapertorlugu, isumaqatigiissitsiniarsinnaasunik ataatsimiitalialiorsinnaapput.

Uranimik piiaanissap akuersissutigineqarnera Enhedslistenimi Nunarput pillugu oqaaseqartartip, Finn Sørensenip, ajuusaarutigalugulu nangaanartoqartippaa.

- Uranip attorneqanngilluinnarnissaa Kalaallit Nunaata Danmarkillu manna tikillugu  isumaqatigiissutigigaluarpaat, uranimi navianartorujussuullunilu toqunartoqartorujussuuvoq, tassa avatangiisinut inunnt, nunarsuattalumi isumannaatsuunissaanut, Finn Sørensen oqarpoq.

Ippassaq aalajangerneq akuersissutigineqaqqalaartoq taanna isumaqarpoq, tamannalu Naalagaaffeqatigiinnut artukkiinerarpaa.