Statoil uuliamik nassaarpoq
Norgemiut nuannaarutissaminnik ullumi tusarlerneqarput, tassa uuliasioqatigiiffik Statoil, Barennip Imartaani uuliaqarfimmik annertuumik nassaarluni ullumi nalunaaruteqarpoq.
Allattoq Louise M. Kleemann
Uuliaqarfik nassaarfiusoq 25-t 40-llu milliunit kubikmeterit akornanni annertussuseqassangatinneqarpoq, gasseqarfillu kubikmeterit milliardit marluk arfineq-marlullu akornanni annertussangatinneqarluni.
Uuliap gassilu annertussusaat ersarissumik suli oqaatigineqarsinnaanngikkallartoq pisortaanerup tuilliata Tim Dobsonip erseqqissaatigaa, kisianni ukiuni kingullerni qulini uliamik nassaarnerit pingaarnersaringaat oqaatigaa.
Uuliamik nassaartoqarnera tusarliunneqarniariartoq aktiat Statoilimit pigineqartut, qaffariarujussuartut, Teknisk Ukebladimi allaaserineqarpoq.