STARK Fonden inuusuttunut atugarliortunut 200.000 koruuninik tunissuteqartoq

STARK Fonden Nuummi inuusuttut atugarliortut ikiorsernissaannut 200.000 koruuninik sisamanngornermi tunissuteqarpoq.

Aningaasaateqarfik tusagassiuutinut taama allappoq.

Aningaasat Mælkebøttenimut Nuummiittumut, inuusuttut atugarliortut aalaakkaasumik najorneqarnissaannik tapersersuisumut. Aningaasat tunissutigineqartut inuusuttut ilinnialernissaannut nammineersinnaalernissaannullu ikiorsiissutitut atorneqassapput.

Anignaasat inissiaaqqanik pilersitsiniarluni sulissuteqarnermut atorneqassapput, inissiaaqqat taakku inuusuttunit marlunnit pingasunilluunniit atorneqartassapput. Inuusuttut inissiamiinnerminni nakkutigineqartassapput sulisunillu suliamut tunngatillugu piginnaasaqartunit tapersersorneqartassallutik.

STARK Fondenimit siulersuisunut ilaasortap, Laurits A. Jørgensenip inuusuttunut atugarliortunut tapiissuteqarsinnaanertik nuannaarutigaa:

- Mælkebøttenimut aningaasaliissuteqarsinnaanerput nuannaarutigingaatsiarparput, taamaalilluni kalaallit inuusuttut toqqissisimaffissaminnik ikiorneqarsinnaassallutik suliamillu ilisimannittunit taperserneqarsinnaallutik, STARK Fondenip siulersuisuini ilaasortaq, Laurits A. Jørgensen oqarpoq.

Aningaasat Nuummi STARK-imi sisamanngornermi nalunaaqutaq 15.00 tunniunneqassapput.

STARK Fonden Danmarkimi inuussuttunut sananermik soqutigisaqartunut atatillugu suliniutinut, ilisimatusarnermut susassaqartitsinernullu kiisalu assassornikkut tapersiissuteqarnikkut suliniutinut inuiaqatigiinnut iluaqutaasinnaasunut 1946-miilli ukiut tamaasa aningaasanik tapersiissuteqartarpoq.