Standing Rockimi akerliujuarsinnartut
![](/sites/default/files/styles/image_934x467/public/article_images/sioux_indianere_joe_brusky_flickr.png?itok=tE3p3Bep)
USA-mi uuliap aqqutissaata, the Dakota Access Pipelinemik taaguutillip naalagaaffiinnullu allanut aqqusaartussap,
sanaartorniarneqarnera indianerit qaammaterpassuarni akerliuffigaat.
Pilersaarut malillugu uulia Missourip kuussuatigut aqqusaartassaaq, tamannalu indianerinit akerliuffigineqarpoq.
Uuliammi aqqutaa nutittoorpat uuliakoortoqassaaq imerneqarsinnaajunnaarpallu reservatit illoqarfippassuillu eqqugaassapput.
Oqaaseq "Mni Wiconi", kalaallisut nutserlugu "imeq tassaavoq inuuneq" nunap inoqqaavisa oqaasinnaarilersimavaat.
Avatangiisit pillugit politikki inuillu pisinnaatitaaffii, pingaartumik USA-mi nunap inoqqaavisa pisinnaatitaaffii, tunuliaqutaralugit akerliusoqarpoq.
Aamma atuaruk Canadami indianerit USA-mi indianerit tapersersoraat
Akerliussutsimillu takutitsisut amerliartorput, inuillu tusindtilikkaat USA-miit, Canadamiit nunarsuullu sinneraniit akerliusut Standing Rockimi tupeqarfissuanukarput tapersersuiartorlutik.
North Dakotami naalakkersuisup uuliap aqqutissaanik sanaartornissaq unitsinniarlugu neriorsuutigereerpaa, tamannali eqquutsinneqanngilaq. Taarsiullugu akerliussutsimik eqqissisimasumik takutitsisut politiinit sakkutuunillu sakkulisaartunit saassunneqarput.
Inuit 140-t missaanniittut oktobarip qaammataani tigusarineqarput ilaallu ikiligaallutik.
Præsidentinngortussap Trumpip qineqqusaarnermini uuliap aqqutissaanik sanaartornissamut tapersersuinini oqaatigeqattaareerpaa, nunap inoqqaavinullu tunngatillugu ammip qalipaataanik immikkoortitserpalaartumik oqaaseqartarpoq.
Nunap inoqqaavilu siunissami mumisitseriassanersut maanna apeqqutaaginnalerpoq.