Sri Lankami nittartakkakkut attaveqaqatigiittarfiit matuneqartut
Sri Lankami illoqarfissuit ilaanni unnuaq eqqissiviilliortoqarnera pissutaalluni, inuit internetikkut attaveqaqatigiittarfii assigiinngitsut, Facebook taakkununnga ilaalluni, Sri Lankami oqartussanit matuneqarput.
Ifølge lokale myndigheder er sammenstødene sket efter voldsomme debatter på blandt andet Facebook. Foto: Scanpix
Allattoq Ritzau
maajip 13-at 2019 09:05
Nutserisoq Mads Lynge
Tuluit nutaarsiassaqartitsiviat Reuters taama allaaserisaqarpoq.
Kristumiut muslimillu sapaatip-akunnerata naanerani aporaapput, pisiniarfiit igalaavi ilaatigut aserorterneqarlutik, inuillu arlallit aqqunartiterlutik.
Facebookikkut ilaatigut sakkortuumik oqalittoqareersorlu eqqissiviilliortoqalerpoq. Oqaluffiit akunnittarfiillu arlallit qanittukkut qaartartumeerneqareersullu inuit attaveqaqatigiittarfiini sakkortuumik oqallittoqarpoq.
Kristumiut naalagiat takornariallu nunanit killerneersut saassussinerni eqqorniarneqarput, inuillu 259-it taamanikkut toqutaallutik.
AAMMA ATUARUK Islamisk Statip siuttua ukiuni tallimani takuneqarsimanngeriarluni saqqummertoq
