Sri Lankami ikiuiniaqatigiit pikitsitsisunit tigusareqqaneqarput
Sri Lankap naalakkersuisuisa sakkutuuisa pikitsitsiniaqatigiit Tamiilit Tiigerii aassunneqisumik akiortuarpaat. Inuinnaat 200.000-t qimarrapput, qimarnguiilli qimaqqusaanngillat, qimaasut akornini pikitsitsianianik ilaqaratarsinnaanerat annilaangagineqarmat.
Inuit pisinnatitaaffiisa eqquutinneqarnissaannik Danmarkip Sri Lankami aallartitaa Arnold Skibssted Sri Lankamit ima nalunaarpoq:
- Qimaasunut inissiat qimaasunik ulikkaarput. Perusuersartarfiit, errorfiit errorsivissallu amigaataapput. Maanilu qimaasunut qimarnguimmi inuit 50.000-t missinginit najugaqarfigineqartumi peqqinnissamut isumaginninneq amigaqaaq, atortuloqalunilu. Inuppassuit utaqqerrapput, arnanut milutsitsisunut allaat.
Danmarkip qimaasunut suliniaqatigiiffiata Dansk Flygtningehjælpip sulisuni qimaaqqugaluarpai, iluatsinngitsumilli.
Ikiuiniat qimaasinnaannginnerini sorsuunneq sukatsikkiartorpoq. Nakorsat oqaluttuaraat napparsimmavik ippassaq qaartartumit eqqorneqarmat inuit 45-t toqutaasimasut.
