Sri Lankami eqqisseqatigiinnialerput

Sri Lankap avannarpasinnerusortaani namminersulerniat ukiuni kingullerni 25-ni pikitsitsiuartut, Tamilit Tigerii, eqqisseqatigiinnissaq pillugu Sri Lankami naalakkersuisut isumaqatigiissusiorfiginialerpaat. Tamilit nittartagaanni taama allattoqarpoq.
Allattoq Mads Lynge
maajip 17-at 2009 17:21

Tamilit Tigerii nunap immikkoortortamininguanut Sri Lankap avannaata kangisinnerusortaanut qanittukkut qimaatinneqarput, sakkutuujunngitsut 10.000-init amerlanerusut aamma qimaatinneqarlutik.

- Tamilit Tiigerii Sr Lankami sakkuaannertik unitsippaat, Tamilit sinnerlugit oqaaseqartartoq nittartakkami allappoq.

Sri Lankami naalakkersuisuutitaqartuarsimasut Singhaleserit Tamilillu akornanni akersuunnerit ukiuni 26-ni ingerlasimapput, maannalu tassa unikkunarlutik.

Dansk Rødekorsilli Asiap kujasinnerusortaani pisortaa oqarpoq Sri Lankami innuttaasunik ikiuiniarneq imaannaanngitsoq aallartinneqartariaqartoq, Sri Lankallu sanaqqinneqarnissaa maanna aallartinneqartariaqartoq.

Sri Lankami akersuunnerit aallartimmatali inuit maannamut toqutaasimasut 70.000-it missaanniipput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq