Nivissat tallimat 1990-ikkunni nuannarineqarluartut, 2001-imili avissaartut, Spice Girls, inngigissunik kimmilinnik kamippaqallaqqissukasiit, eqqaamassajunnarsivasi, pingaartumik immaqa meeqqat inuusuttuaqqallu taamani nuannarinnipput.
Hej tamassi, uteqqippugut. Nittartakkaminni allapput, nivissallu tallimat taakku ataatsimoorlutik tusagassiortunut Londonimi ullumi assilisipput. Tamarmik 30-t missaanni ukioqalereerput, ukuuppullu: Baby Spice, Posh, Ginger, Scary aamma Sporty.
Illoqarfiit aqqanillit qilanaalereersinnaapput, tassamigooq Spice Girls aqqanileriarlutik tusarnaartitsissamaarput, siullermik Los Angelesimi decembarip ulluisa arfineq-aappaanni.
Nuuk tusarnaartitsiviusussanut ilaassanersoq oqaatigisinnaanngilarput, ilimanarnerpaapput New York imaluunniit London.