Frankrigmi spaniamiut ilisimatuut qaarusummit aninaveeqqapput
Spaniamiut ilisimatuut arfineq marluk qaarusummit Frankrigip kujasinnerusortaaniittumit aninaveeqqapput.
Allattoq Ritzau
februaarip 10-at 2016 10:54
Nutserisoq Jaaku Lyberth
Tamanna pivoq qaarusuup eqqaani ulluni kingullerni silarlorujssuartarneranit.
Ilisimatuut spaniamiut 15-iusut taakkunannga arfineq pingasut qaarusummit qaqisinnaasimapput suleqatitillu qaarusummit qaqisinnaanngitsut politiinut nalunaarutigalugit.
Ilsimatuut arfineq marluk qaarusuup iluanit anillassinnaanngitsut pisortanit attavineqarsinnaasimanngillat.
Franskit politiivi pingasunngornermi ullup qeqqata siorna nalunaarput, ilisimatuut sumiissusersineqarsimasut ajoqusersimanngitsullu.
- Ajunngillat aamma attavigineqarput. Taakkua nunap iluani 300 meterisut ititigisumiipput qasusorujussuullutillu, politiinit tusarfik taama nalunaarpoq.
Qaarusuk ilisimatuut misissuiffigisaat Frankrigip Spaniallu killeqarfiata qanittuaniippoq.
/ritzau/AFP
