Spaniamiut TV-kkut isiginnaagassiuleruttorput

Qiteriaaseq flamingo nerisassallu tapasit kalattuunik mattannillu taarserlugit, ilaatigut tamakkuupput spaniami TV-kkut isiginnaartartut ukiaru takusinnaasaat.
Allattoq Apollo Jeremiassen
juulip 05-at 2010 10:22

Spaniamiut Kalaallit Nunaannut nuunnerit pillugit, spaniamiut TV-kkut isiginnaagassiuleruttorput, sapaatip akunnera kingulleq Aasianniillutik. Taavani naapippaat spaniamiu Aasiannut 1979-mili nuuttoq.

- Uummatinni spaniamiuuvunga, Kalaallit Nunaalli uummatima ilarujussuaniippoq. Jóse Ruiz-Martinez oqarpoq, Nunatsinni Takornariaqarnermut Inuussutissarsiornermullu Siunnersuisoqatigiit taama ilisimatitsipput.

Isiginnaagassiap spaniamiunit ukiamut takuneqarsinnaasup imaraa spaniamiut nunamut allamut nuuissornerit imaluunniit nuukkallarnerit nunami allami inuunerat. Tassalu taakku Aasianneeqqammerput, tassani naapippaat Aasiaat Katersugaasivianni inspektøri, Jóse Ruiz-Martinez.

Sooq Aasiaat nunasiffigisimanerlugit Jósep nunaqqatiminut oqaluttuaraa, iluatsillugu Aasiaat illoqarfik aamma takornariartippaa.

- Illoqarfimmut takornariartinneranni oqaluttuaraara Aasiaat illoqarfiusoq nutaaliaq aammalu illut najugarisavut nutaaliaasut. Sapinngisara tamaat atorlugu oqaluttuaraara Kalaallit Nunaat nunaasoq muteerneq.

Jóse Ruiz-Martinezip nuliani kalaaleq Aasianni najugaqatigivaa.

- Arnamut Aasianninngaanneersumut asannileramali Kalaallit Nunaat nuannarilersimavara, Aasiaat Katersugaasivianni inspektøri Jóse Ruiz-Martinez oqarpoq.

Spaniamiut TV-kkut isiginnaagassiortut maanna Kujataaniipput, taqqavani malinnaaffigissallugit spaniamiut nunatsinnut nunasinerit allat pingasut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq