Spaniami socialdemokraatit saamerliillu naalakkersuisooqatigiinniartut
![](/sites/default/files/styles/image_934x467/public/article_images/20191111-074122-l-1920x1280we.jpg?itok=zUloaXRr)
Partiit marluk taakku Spaniami inatsisartunut sapaatiummat qinersisqareersorlu taama ullumi nalunaaruteqarput.
Spaniap ministeriunerunerata Pedro Sanchezip, PSOE-meersup, naalakkersuisoqatigiiliornissamut isumaqatigiissut atsiorpaa. Unidas Podemosip siulittaasuata Pablo Iglesiasip aamma atsiorpaa.
Partiit marluk taakku inatsisartuni amerlanerussusiisinnaanngillat, amerlanerussusiiniassagunillu Spaniami inatsisartuni suleqateqartariaqassallutik.
AAMMA ATUARUK Spaniami qinersisoqareernerani erseqqissumik amerlanerussuteqartoqanngitsoq
Socialdemokratit PSOE inatsisartuni 120-nik ilaasortaatitaqalerput, Unidas Podemos 35-nik ilaasortaatitaqalersut.
Inatsisartuni amerlanerussusiiniaraanni 176-inik ilaasortaatitaqartariaqarpoq, Spaniamimi inatsisartuni inissat 350-iupput.
Spaniami inatsisartunut ukioq manna apriilimi qinersisoqarmalli PSOE Unidas Podemosilu suleqatigiilernissamut isumaqatigiissusiorniaraluarput. Isumaqatigiissusiorsinnaanngillalli, tamannalu ilaatigut pissutaalluni Spaniami innuttaasut inatsisartunut qinerseqqittariaqalerlutik.
/ritzau/Reuters