Spaniamiut nuannattunnguupput

- Maannakkumiit naassaanngitsumullu, Aviisimi El Mondomi allaatigisami pingaanermi eqqarsaatersorpalaartumi taama allaqqavoq.

Aviisi El Pais Spaniamiut nunarsuarmi pissartanngornerannut qiimmattartunut ilaavoq:

- Nunarsuarmi pissartat, aviisip saqqaani allaqqavoq, unammisartut aqutsisuat Iker Casillas holdeqatini nikorfaqatigalugit VM-imi ajugaanermi tammajuitsussarsiarineqartartoq kiveqqagaa, assitaliunneqarsimalluni.

- Kinguaariit kusanartumik saqqummernerat nunanut unammisartut takutippaat, nangillutik allapput.

Aviisi ABC Spaniamiut saqqumilluarnerat suaarutigaat - arsaanneriinnarmiinngitsoq timersuutinili tamalaani.

- Arsaannerup oqaluttuassartaani iluatsitsinerit annersaraat. Pissartanngornikkut Spaniap timersuutini amerlasuuni pissartaasarneri ilaneqarput, allaatigisami pingaarnermi allassimavoq.

Pissartanngorniutivinnermi Spaniamiut Hollandimut 1-0-mik ajugaapput, ajuunneq Spaniap nunarsuarmi pissartanngorniutivinnerni isertitaasa arfineq-pingajussaraat. Taamaalilluni Spania unammeqattaarnerni ajugaasartuni, ikinnerpaanik isertitaqalerpoq.

Diego Forlan Uruguayimeersoq unammersuarnerni arsallaqqinnerpaatut ippassaq unnukkut toqqarneqarpoq. 23,4 procentinit taaneqarluni, tullersortaallunilu Wesley Sneider Hollandimeersoq 20 procentit sinnilaarlugu taaneqarluni.

Thomas Müller 20-nik ukiulik VM-rtoqarnerani inuusunnerpaani pikkorinnerpaatut taaneqarpoq, målmandiullaqqinnerpaatullu Iker Casillas Spaniameersoq taaneqarluni.