Spaniamiut arfinillit Yemenimi toqutaapput
juulip 02-at 2007 17:03
Kangiani qiterlermi naalagaaffeeqqami Yemenimi nunap immikkoortuani takornarianik ornigarneqarluartartumi Maribimi biilimik ullumi qaartitsisoqarmat takornariat spaniameersut arfinillit biilimillu ingerlatitsisuat toqutaapput, allallu arfineq marluk aqqunartiterlutik.
Qaartitsinermut peqqarniisaarniartartoqatigiit Al Qaedat akisussaasuusut Yemenimi sillimanissaq pillugu oqartussanit oqaatigineqarpoq.
biilinik qaartitsineq sioqqullugu peqqarniisaarniat parnaarussaasut iperarneqarnissaat allakkatigut piumasarineqarsimavoq.
Yemen islamisiortunit ukiuni kingulliunerusuni assut perulluliorfigineqartarpoq, tamannalu pissutigalugu amerikamiut Yemenip eqqarlianut Djiboutimut saakkutuuliisimapput.
