Spaniami timmisartuussinerit pissusissamisooqqilerput
Danmarkimi mittarfinni feeriarniarlutik utaqqisut ippassaq unnukkut aallarsinnaasimapput, takornariallu ullaaq manna aallartut piffissaq eqqorlugu aallarlutik, Stig Elling Star Tourimi tuniniaanermut pisortaq oqarpoq.
Danmarkimiit feeriarlutik angalasussat 4.000-it missaanniittut, ilaatigut Tenerife-liartussat ullumi aallartussaapput - pilersaarutillu naapertorlugit aallassallutik.
Suliumajunnaarneq tallimanngormat aallartippoq, tassa timmisartut naalagaasa akissarsiaminnut sulinermilu atukkaminnut tunngasut naammagittaalliuutigalugit napparsimallutik nalunaarrammata.
Suliumajunnaarnermi ippassaq ualikkut unitsinneqartumi inuit 300.000-it missaat eqqugaapput. Taama pisoqarnerani naalakkersuisut sakkortuumik aqutsisoqalernera nalunaarutigaat, tamatumalu kinguneranik timmisartuni naalakkat suliumajunnaartut parnaarunneqarsinnaalerlutik eqqartuussivimmullu unnerluutigineqarsinnaalerlutik.