Spaniami politikkikkut aporaattut
Cataloniamiut tusindtilikkaat Spaniap naalagaaffianiit anerusullutik ullumi Madridimi akerliussutsimik takutitsipput.
Allattoq Thomas Munk Veirum, Marie Kûitse Kristensen
februaarip 10-at 2019 17:35
Akerliussutsimik takutitsisut ilanngullugu piumasaqaatigaat nutaamik qinerseqqittoqarnissaa.
Akerliussutsimik takititsineq una qaammatini arfineq pingasuni maannamut akerliussutsimik takutitsinerit annersaraat, tassanilu Spaniap ministeriunera Pedro Sanchez akerliuffigineqarpoq.
Akerliussutsimik takutitsineq talerperliunianit aqqissuunneqarpoq.
Atorfillip oqarnera naapertorlugu akerliussutsimik takutitsineq 45.000 missaanniittunit peqataaffigineqarpoq.
Cataloniami præsidentiusimasoq Spaniap naalagaaffianut atassuteqarunnaarlutik oktobarip 27-ani 2017-imi oqarpoq, tamannali eqqortuliornerunngilaq. Taamaasioreernermilu kingorna Belgiemut qimaavoq.
Taamaasilluni Catalonia Spaniap naalagaaffianit nakkutigisaalerpoq.
/ritzau/Reuters
