Spaniami anorersuarujussuarnerata kingunerisaanik inuit ikinnerpaamik 13-it ajunaartut
Spaniap avannaata kangiani anorersuarujussuarnerata kingunerisaanik inuit ikinnerpaamik 13-it ajunaarput.
Silarlunnerani malerujussuit nunamut anngupput qarsutsisoqarneranilu pisiniarfiit, neriniartarfiit inuillu aqqutaat qarsutsinermit eqqugaapput. Spaniami tusagassiorfiit arlallit taama tusagassiisut, BBC allaaserisaqarpoq.
Apilluni anorersuarujussuarnera aseruingaatsiarpoq - ikaartarfiimmi arlallit ajalusoorput, sisallu sioraqarfiit aamma eqqorneqarlutik.
Angut 77-inik ukiulik ajunaartut ilagaat, taanna Andalusiami Spaniap kujasissortaaniittumi illu naatitsivik nakkaammat ajunaarpoq.
Angut alla Palamosimi Spaniap avannaata kangisissortaaniittumi immamut nakkarluni ajunaarpoq.
AAMMA ATUARUK Spaniap ilaani ukiuni 40-ni ukiuunerani aatsaat taama silapilutsigisoq
Inuit sisamat anorersuarujussuarnerani maqaasineqartutut nalunaarutigineqarput.
Tuluk takornariaq takornariaqarfissuarmilu qeqertami Ibiza-mi maqaasineqartut aamma ilagaat.
Spaniami ministeriuneq, Pedro Sanchez, Mallorcamut anorersuarujussuarneranit aamma eqqugaasumut sisamanngornermi tikippoq.
- Ilungersuanitsinni isumalluutinut annaassiniarnernullu sipaarniuteqarusunngilagut, Pedro Sanchez oqarpoq, anorersuarujussuarneralu silap pissusiata allanngoriartorneranik ilaatigut aallaaveqartoq taassuma erseqqissaatigaa.