Sorsuut World Trade Centerip sinnikuinit sanaaq atulerpoq
Amerikamiut sorsuutaat umiarsuaq USS New York, ilaatigut savimminernik 7,5 tonsinik World Trade Centerip sinnikuineersunik sanaaq, New Yorkimut ippassaq tikippoq, umiarsuarlu ataqqiniarlugu assigiinngitsunik aaqqissuussisoqassalluni.
novembarip 03-at 2009 08:51
World Trade Centerip savimminertarsuisa ilaat septembarip aqqarnganni 2001-imi peqqarniisaarnianit aserorneqartut katersorneqarsimapput, amerikamiullu umiarsuaannut sorsuummut nutaamut atugassanngorlugit aatseqqinneqarlutik.
Sorsuut USS New York peqqarniisaarniat saassussimmatali napasuliat marluk World Trade Centerip 2001-ip tungaanut inigisimasaasa avataanni 21-riarluni ippassaq qamutilittarpoq.
Umiarsuaq inuillu 3.000-ingajaat peqqarniisaarniat saassussimmata toqutaasut ataqqiniarlugit sissiukkami qeqarput.
Pilersaarutigineqarpoq umiarsuaq amerikamiut sorsuutaanni sulilersillugu arfininngorpat pisortatigoortumik atulersinneqassasoq.
