Sorsunneq ilungersunarsiartuinnarpoq

Afghanistanimut tiguaanermiit ukiut 8-t qaangiuttullu pissutsit ilungersunartut pillugit præsident Obamap suliamullu attuumassuteqartut allat peqatigalugit ataatsimeeqatigai. Obama-llu ataatsimiinnerup kingorna imaassinnaavoq manna tikillugu ilungersunarnerpaamik aalajangiinissaa pisariaqalersinnaasoq, DR-mit oqaatigineqarpoq.
oktobarip 07-at 2009 10:37

Afghanistanimi sorsunneq ingatsikkiartuinnarpoq, pissutsillu ilungersuartut ajornerulinnginnissaat anguniarlugu USA NATO-lu qanoq iliuuseqarniarnersut maanna apeqqutaalerpoq.

Afghanistanimi NATO-p sakkutuuliussaata naalagarsuanut amerikamiuusumut Stanley Clark-ip piumasaqaataa ersarilluinnarpoq, tassa maannakkumut amerikamiut sakkutuuliussaat 62.000-iusut 40.000-inik ilaniarneqarput, Talebanit maanna siuariartortut NATO-mit USA-millu ajugaaffigineqassappata.

Præsident Obama Afghanistanimi pissutsit allannguiffigineqarnissaat pillugu neriorssuteqareerpoq, aappaatigulli sorsuunneq taannarpiaq USA-mi akerlerineqaleriartorpoq.

- Qanoq naammagittartigisinnaanersugut qanorlu pilliuteqarusutsiginersugut aalajangertariaqarparput. Imaluunniit allatut taallugu: Qanoq sivisutigisumik Afghanistanimiissinnaavugut qanorlu amerlatigisunik toqutaasoqarluta akuersaarsinnaavarput?, USA-mi nunanut allanut ministeri, Hillary Clinton oqarpoq.

Præsidentip illorsuani Det Hvide Hus-imi pinartumik ataatsimiittoqalerpat, partiimit aallartitat illuatungiliuttullu, sulisut sakkutuullu naalagarsui peqataassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq