Internetti atorlugu Niuernermi Ilinniarfimmi soraarummeersitsisarneq utaqqiisaagallartumik atorneqartussatut aallartikkaluarpoq, maannali taamaakkunnaarpoq.
Taama oqarpoq Sulisoqarnermut Inuussutissarsiutinullu Pisortaqarfimmi immikkoortortaqarfimmi, SIIP-mi, pisortaq, Michael Christensen.
- Niuernermik ilinniarfimmi ilinniartut ilaat Danmarkimiittut tikissinnaajunnaarlutik soraarummeernissaminnut periarfissaarummata, internetti atorlugu maanngaanniit soraarummeersinneqarnissaat isumassarsiaraarput, Michael Christensen oqarpoq, nangillunilu:
- Maanna aalajangerpugut Niuernermik Nuummi Ilinniarfiup internetti atorlugu ilinniartitsinerit arlallit ingerlassinnaagai. Misilittakkavullu atuarfimmi oqallisigisassavavut, ilinniarfinnut allanut taamaalilluta paasissutissiissutigisinnaassagatsigik, Michael Christensen oqarpoq.