Soraarsitaannginnermini sakkortuumik uparuaavoq
Tuluit aviisiat The Indenpent on Sunday ilaatigut ima allaaserisaqarpoq:
Nunat Afghanistanimi sorsunnermi peqataasut illersornissamut ministerii, sakkutuut naalagaanerannit McChrystalimit ilisimatinneqarput, Afghanistanimi sorsunneq ukiup tulliuttup affaata ingerlanerani siuariarfiunavianngitsoq. Taamatut aallerisaaruteqarsimanera, takussutissanit isertuussanit paasineqarpoq.
McChrystalip Afghanistanimi sorsunnermi periutsinik arlalitsigut isertuarani toqqaannartumillu isornartorsiunera aviisimi Rolling Stone-mi saqqummiunneqartoq tunngavigigunavillugu Amerikami naalakkersuisut Præsident Obamallu sakkutuut naalagaanerat McChrystal soraarsippaat.
Aamma Afghanistanimi isumannaallisaanermi ajornartorsiutit, peqquserluttuliortarnerillu anigorniarneqarnerat ajornartorsiutaanerpaasoq, McChrystalip upaguagaasa ilagaat.
Afghanistanimiut sakkutuuinik ilitsersuisussanik amigaateqarneq McChrystalip ajuusaarutigaa aammalu Afghanistanimi naalakkersuisut Afghanistamik nakkutiginninnerat ajorluinnarnerarlugu.
Nunat tamat sakkutuui Aghanistanimi sorsuttut, Talibaninut akersuunnerminni aatsaat taama amerlatigisunik ulluni makkunani annaasaqarput, sakkutuut katillutik 91-it toqutaapput taakkua ilagaat qallunaat sakkutuui marluk.
