Soraarnerussutisiaqalernissamik aningaasaateqarfiit aningaasaqarneq annaattussanngorpaat

Soraarnerussutisiaqalernissamut aningaasaateqarfiit aningaasaatai nunani allaniititatik Islandimut nuunniaqqullugit, sulisitsisut Naalakkersuisunit peqquneqarput, taamaalilluni Islandimi aningaasaqarneq ilorraap tungaanut saatinneqarsinnaassammat, tuluit nutaarsiassaqartitsiviat, BBC, taama nalunaarpoq.

Aamma sulisitsisut peqquneqarput aningaasarsianik qaffaanngikkallaqqullugit, uffa aningaasat pisissutaasinnaanerat 15 procentimik appariarsimagaluartoq.

Naalakkersuisut piumasaqarnerattulli Sulisitsisut akillutik, Islandip EU-mut ilaasortanngornissaa maanna piumasarilerpaat.

Piumasaqaat tamanit tupaallaataavoq, EU-mummi ilaasortanngornissaq Islandimi ukiuni qulikkuutaani arlalinni akerlerineqartuarsimammat.

Piginneqatiginnissutinik niuerneq tamaat Islandimi aningaasanik niuerfiup ullup qiterarneraniit unitsippaa, aamma aningaaserivinnut Kaupthing, Landsbanki Glitnir-imullu.niuernerit.

Islandimi aningaasarsiornermik ingerlatallit tupaqqaqaat, ilaatigummi aningaaseriviit ilaat Glitnir matunnginniassammat, naalagaaffiup piginneqataassutit 75 procentii pisiarisariaqarsimavai.