Somaliamiu peqqarniisaarniatut unnerluutigineqarsinnaavoq

Muuamaamik ilaarutiginnilluni titartaasumut Kurt Westergaardimut, tallimanngormat unnukkut savimmik ulimaammillu sakkulerluni saassussisoq, Somaliamiu 28-nik ukiulik, peqqarniisaarniartutut unnerluutigineqariaannaavoq.
Allattoq Elisa Isaksen
januaarip 03-at 2010 16:01

28-nik ukiulik toqutseriarsimasutut maanna tigummigallarneqarpoq, taamaattorli immikkut ilisimasallit arlallit oqaatigaat, toqutseriarsimasutut unnerluutigineqarnera peqqarniisaarniarnermut allanngortinneqariaannaasoq. Taamaalilluni suliassaq ilungersunarnerujussuanngorsinnaasoq, Ritzauimi allaaserineqarpoq.

- Peqqarniisaarniarnernut tunngasunik pineqaatissiinerit takoriikkavut najoqqutaralugit, peqqarniisaarniartutut unnerluutigineqaruni, sakkortunerusumik pineqaatissinneqassaaq, taama oqarpoq Henrik Stagetorn, Illersuisut peqatigiiffianni siulittaasuusoq.

Politiit kilitsissiaqarfiannit, PET-mit oqaatigineqarpoq, angut 28-nik ukiulik tigusarineqartoq, peqqarniisaarnianut al-Shabaab-imut aamma al-Qaeda-mut attuumassuteqartoq.

Aviisip Jyllands-Postenip titartaasartua Kurt Westergaard toqoriarneqaraluareersorlu, aalajangersimasumik paarsisoqalernissaa PET-mit neqeroorutigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq