Ilinniartut ineqarfianni aallaaseeqqamik annilaartitsisoqartoq
Ilinniagaqartut najugaqarfianni aserorterisoqarnera pillugu politiit arfininngornermi ullaakkut nalunaarfigineqarput, tassani angut sakkulisarluni illuinnarsuutaagunartumik kollegiami angalaartoq takuneqarsimammat.
Annertunerusumik pisoqarani angut 24-nik ukiulik politiinit tigusarineqarpoq.
Pisut aallartipput arnap 18-nik ukiullip angutip ilisarisimasami inaanut iserniarluni inaata igalaava aserormagu.
Tamanna pereermat perulluliorneq aallartippoq nakuusertoqarsimagunarlunilu.
Aallaaseeraq silaannaap naqitsineranik aallartartoq ilinniartut najugaqarfianiittunut qunusaarutigineqarsimavoq, politiit tusagassiorfinnut nalunaaruteqarlutik taama allapput.
Politiit takunnittunik killisiuisimapput allaaseerarlu arsaarinnissutigineqarpoq.
Pineqartut eqqartuussivilersuunneqassapput, Kujallermi politiini politikommissæriugallartoq Laila Fleischer tusagassiorfinnut nalunaarummi taama nalunaaruteqarpoq.
