Sofie Geisler Qaasuitsup Kommuniani attaveqarnermut pisortanngorpoq
Sofie Geisler, Qaasuitsup Kommuniani oktobarip aallaqqaataani attaveqaqatigiinnermut pisortanngorpoq. Qaasuitsup kommuniani innuttaasut kommunerujussuarmut pisunik ilisimasaqarnissaat atorfinitsitsinermi eqqarsaatigineqarpoq.
Allattoq Oline I. Olsen
septembarip 08-at 2009 07:36
Attaveqaqatigiinnissarlu pillugu pilersaaruteqalernissaq, Qaasuitsup kommuniani borgmester Jess Svanep erinigaa.
- Qularutissaanngitsumik kommunerujussuarmi unamillernarnerpaat ilagaat innuttaasunik attaveqaqatigiinnissaq qulakkeerniassallugu, innuttaasunut borgmesterimut kommunalbestyrelsemullu ilaasortaasunut siusinnerusukkut kommuniararpassuarni iseriaannaallutillu naapitseriaannaasimapput. Maanna Qulakkeerniassavarput innuttarisagut tamarmik qanittuararsuarmik attaveqariaatsimut tassunga periutsimik allaasumik aqqutissiuunnissaat, Borgmester Jess Svane oqarpoq.
Sofie Geisler Qaasuitsup Kommuniani attaveqaqatigiinnermut pisortanngornissani tikillugu Royal Greenlandimi attaveqarnermut siunnersortitut atorfeqarpoq.
