Sodavanditortartut tingummikkut orsoqarnerusarput

Inuusuttut sodavanditortarnerat tinguullu, aallu, naallu iluata orsoqassusia imminut ataqatigiilluinnarput. Aarhusip Universitetiani ilisimatuut aatsaat siullerpaamik tamanna takussutissaqartilerpaat.
Allattoq Mads Lynge
januaarip 02-at 2012 08:14

Sodavanditortarneq tinguup orsoqassusianut sunniuteqartarpoq, nappaatillu inuunermi pissutsinit aallaaveqartut, soorlu sukkorneq uummammilu taqarsuarnilu nappaateqarneq sodavanditortarnermit aamma aallaaveqarsinnaallutik, ilisimatuut misissuinerminni inerniliuppaat.

Qallunaat aalajangersimasut colamik ullormut liiterimik ukiup affaani imertinneqartarsimapput, aalajangersimasullu allat imiinnarmik, immummik qalipperniiakkamik sodavandininillu sukkoqanngitsunik imertinneqartarsimallutik.

Ullormullu liiterimik sodavanditortinneqartarsimasut tingumikkut orsoqarnerusarnerat ilisimatuunit takussutissarsineqarpoq, sodavandili qanoq annertutigisoq imeraanni timimut sunniuteqartarnersoq ilisimaneqanngilaq:

- Taamaammat sodavanditorpallaartoqannginnissaa innersuussutigaarput, ilisimatuut oqarput.

Sukkoqanngitsumilli sodavanditortaraanni tamanna ajoqutissaqanngitsoq, ilisimatuut inerniliuppaat.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk