Socialdemokratit: Naak taanna naliliineq?

Københavnimi sila pillugu decembarimi ataatsimeersuarnermik ministeriunerup naliliinera maanna Folketingip siulittaasuata Thor Pedersenip naammagittaalliuutigineqarneranut atorneqalerpoq.
apriilip 28-at 2010 17:08

Tassami Socialdemokratit arlaleriarlutik saaffiginnikkaluarlutik naliliineq suli tigunnginnamikku assorsuaq naammagittaalliuutigaat.

Socialdemokratini silap pissusaa pillugu oqaaseqartartoq Mette Gærdskov tassaavoq naammagittaalliuummik nassitsisoq.

Tamanna ministeriuneqarfiup erseqqilluinnartumik sumiginnaaneratut isumaqarfigigakku naammaginngilluinnarpara, Mette Gærdskov oqarpoq.

Politikenip naliliineq pissarsiarimmagu perulluliorneq aallartippoq, tassani ministeriuneqarfiup aammattaaq Naalagaaffiit Peqatigiit pitsaanngitsumik pissusilersorfigimmagit, tassa Københavnimi silap pissusaa pillugu decembarimi isumaqatigiissutip inerneranut angisuumik pisooqataasutut nalilermagit. Aamma ministeriunerup ullut 14-it siornatigulli, pappiarat tamatumunnga tunngasut tunniukkumanagit oqaatigimmagu.

- Tamatumunnga tunngasumik eqqarsaatersuutitut allattukkavut kikkunnut tamanut saqqummiussinnaanngilavut, taamaaliussaguttami allanik isumaqatiginninniarsinnaassannginnatta nunalluunniit tamalaanut kiinnersinnaassannginnatta. Pappiaqqat suliffiup iluani atugassat taamaallaat suliffiup iluani atugassaapput, ministeriuneq Lars Løkke Rasmussen naggasiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq