Socialassistentitut soraarummeertut 13-it
Socialassistentitut ilinniartut siulliit taakku aggustip aallaqqaataani aallartipput. Ilinniagaq isumaginninnermi ikiortitut ilinniakkamit ingerlaqqiffiuvoq perorsaasunngorniarluni ilinniarnermut isissutaasinnaasoq.
Socialassistentinngorlaat soraarummeersimanermut uppernarsaammik pisortamit Nuka Kleemannimit tunineqarput.
- Nunatsinnut ulloq angisuujuvoq maannakkut socialassistentinngorlaat pikkorissut aamma piginnaanillit kalaallinut inuiaqatigiinnut ammaanneqarmata. Perorsaanermik Ilinniarfik sinnerlugu neriuppunga naammassisuni amerlasuut piaarnerpaamik uterumaartut perorsaasunngorniarluni ilinniarneq aallartikkiartorlugu, Nuka Kleemann oqarpoq.
Soraarummeereerluni naammassinninnerit Perorsaanermik Ilinniarfimmut tamatigut pingaartorsiorfiusarput, aamma socialassistentinngorlaat ilaquttatik qanittumeersut ungasissumeersullu peqatigalugit ullumi ulloq kaffillernermik unnugulu nalliuttorsiornermik nalliussivaat.