Snowboardimik Freestyle skimillu poorskimi unammersuaarneq
Sisimiormiut peqataasussat 30-it sinnillit tikissapput Snowball Nuullu naatsorsutigaa Nuummiut 40-50-it ukioq manna unammersuaarnermi peqataassasut.
Snowball Nuup nuannaarutigisaanik ukiuni kingullerni annerusumik sisorariaatsit Snowboard, aammalu Freestyle ski soqutigineqaleraluttuinnarput, tamannalu unammisut amerliartuinnarnerisigut takusinnaavaat.
- Minnerunngitsumik nunanut allanut unammiartortartut amerliartuinnarput, soorlu Iceland winter Games-imut ukioq manna peqataatitaqaqqaarpugut, aammalu Arctic Winter Games-mut, Danmarks mesterskab-imullu peqataatsittakkavut amerliartorlutik, Snowball Nuuk tusagassiutinut nalunaarummini allappoq.