Mobilikkut allakkanik nassitseriaaseq SMS-i atorluarneqaqaaq, tamannalu Tele-p ingerlatsiviinit iluanaarutigineqarluarpoq.
Aalborg-imi ilinniartut qarasaasiami programmimik SMS atorlugu pisariinnerusumik akikinnerusumillu atorneqarsinnaasumik nassaarsimasut nutaarsiassaqartitsivik Ritzau tusarliussivoq.
Programmi pineqartoq ”SMSZipper” inissaqartitsineruvoq akeqaranilu. Inuusuttut SMS-mik atuisuupput. SMS-ernermi titartakkat amerlanerpaamik 130-t nassiunneqarsinnaapput, programmimilu nassaarineqartumi pingasoriaammik amerlanerusumik nassitsisoqarsinnaavoq.
Ataasiarluni SMS-imik nassitsinerup akianut pingasoriarluni SMS-mik nassitsisoqarsinnaasoq, SMS-imik pisariitsumik nassaartut ilaat Morten Videbæk Pedersen oqarpoq.
- Ajoqutissatuaraa, SMSZipperip programmiata mobilimut ikkussoqqaartariaqarnera, namminerlu mobilerisaq kisiat pinnagu aammali nassitsiffiginiagaq programmimik ikkussuivigisariaqarpoq, taamaanngippat nassitsiffigisap SMS-i nassiussaq atuarsinnaanavianngimmagu.