Melodi Grand Prix: Sms-ikkut taasinerit naammagittaalliutigineqartut

Dansk Melodi Grand Priximut atatillugu sms-ikkut taasinerit pillugit pissusissamisuunngitsumik pisoqarsimagunarnera Facebookkikkut unnuk manna sammineqartupilussuuvoq.

Allattoq Christine Hyldal

februaarip 23-at 2019 22:37

Nutserisoq Simon Uldum

Julie Ninalu erinarsornermik unammisoqarnerani erinarsuutertik ”League of Light” normu 2-nngussutigaat.

Ilaatigut KNR-ip Facebookimi quppernerani inuppassuit allapput Juliemik Ninamillu sms-ikkut taasinertik nalunaarsorneqarsimagunanngitsoq. Sms-erutigisartimmi DR-imit akineqarsimanngilaq, imaluunniit kingusissupilussuakkut akineqarsimalluni.

AAMMA ATUARUK Julie Ninalu normu 2-nngormata Katuami ugguartorpassuit

DR-illi aliikkutassaqartitsiviani pisortaq Jan Lagermand Lundme sms-imik taasinerni kukkunernik naammattuuisimanngilaq.

- Ajortoqanngilaq. Erngerluta paasisimassagaluarparput. Arlaleriaqaluta misilereerparput, BT-mut taama oqarpoq.

KNR-imullu ilisimatitsissutigaa sms-it tamaasa DR-imi nalunaarsorneqartartut, taasinerillu naatsorneqarnerini kukkuneqarsimappat DR-ip taamaalilluni paasisinnaassagaa.

Melodi Grand Prix: Sms-ikkut taasinerit naammagittaalliutigineqartut

Aamma atuaruk