Small Time Giantsikkut juullisiutaat iTunesimi normu 1-iusoq
Small Time Giantsikkut juullisiummik saqqummersitaat nutaaq “Angerlarlanga" iTunesimi normu 1-itut inissisimavoq.
Allattoq Simon Uldum -
decembarip 13-at 2016 10:12
Kalaallit nipilersortartut Danmarkimi najugallit Small Times Giants juullisiut ”Angerlarlanga” ataasinngornermi decembarip12-iani saqqummersippaat, Danmarkimilu iTunesimit downloadigaanerpaatut maannalu inissisimalluni.
Nipilersoqatigiit saqummersitanik tamakkiisunik saqqummersitat allattorsimaffianni siornatigut normu 1-iusimapput, erinarsuummilli ataasiinnarmik saqqummersitat allattorsimaffianni nipilersoqatigiit nunatsinnersuut siullerpaamik maanna normu 1-iupput. Nipilersoqatigiit tusagassiorfinnut nalunaaruteqarlutik taama allapput.
- Erinarsuutip taama nuannarineqartiginera tuppallernaqaaq. Nuannaralugu allattut amerlapput, nunannarineqarnerpaallu allattorsimaffianni qummut ingerlasoq paaseriasaarparput. Top 100-miinnissaaluunniit ilisimaginngikkaluarparput, Small Time Giantsikkunni bassertoq, Jakob Skovaa, taama oqarpoq.
Small Time Giantsikkut siullerpaamik kalaallisut immiussisut
- Allat ilimaginngisaannik suliaqarniartarpugut. Danmarkip Radioanit aperineqaraluarpugut ”Last Christmas” issuarlugu Kalaallit Nunaannut Juullimi Inuulluaqqusinermi nipilersorsinnaanersugut, taamaaliorusunnginnattalu juullisiummik nammineerluta suliaqassalluta aalajangerpugut.
- Danmarkimi ukiuni kingullerni juullisiortarpugut, taamaammat nipaannermut, taarnermut aputillu nipaanut maqaasinerput pillugu erinarsuusiorusuppugut. Kalaallisut ilaatigut oqaasertalimmik siullerpaamik immiussivugut, taamaalilluta takutikkusullugu Kalaallit Nunaat angerlarsimaffigalugu, Jakob Skovaa taama oqarpoq.
Kalaallit Nunaannut Juullimi Inuulluaqqussut sapaammi decembarip 18-iani DR1-ikkut nal. 20 (Danmarkimi nal. malillugu) KNR-ikkullu nal. 16 aamma nal. 20.00 (nunatsinni nal. malillugu) aallakaatinneqassaaq
