Upernavimmi Savissivimmilu nannunniarneq unippoq
Aqutsiveqarfimmi Upernavimmi nannuttassiissutit tamakkerneqartut, Aalisarnermut, Piniarnermut Nunalerinermullu Naalakkersuisoqarfiup nalunaarutigaa.
Allattoq Karsten Sommer
maajip 18-at 2018 13:51
Nutserisoq Mads Lynge
Tamaani ukioq manna nannuttassiissutit 44-simapput, maannali tassa tamakkerneqarlutik.
Taamatuttaaq aqutsiveqarfimmi Savissivimmi ukioq manna nannuttassiissutit 24-usimasut tamakkerneqartut, Piniarnermut Naalakkersuisoqarfiup nalunaarutigaa.
Paasissutissanik suli allanik, uani taaneqanngitsunik pissarserusukkaanni Aalisarnermut, Piniarnermut Nunalerinermullu Naalakkersuisoqarfimmut saaffiginnittoqarsinnaasoq, Namminersorlutik Oqartussat tusagassiutinut nalunaarutigaat.