Slovakiap sakkutuuni Afghanistanimiittut amerliniarpai
Slovakiap illersornissamut ministeria Frantisek Kasickij nalunaarpoq, Slovakiap sakkutuui Afghanistanimiittut, NATO-p sakkutuuinut ilaasut, marloriaammik amerliniarlugit naalakkersuisut aalajangersimasut.
Allattoq Elisa Isaksen
Aalajangerneq pivoq NATO-mi nunat illersoqatigiinnissamik isumaqatigiissuteqarsimasut akornanni nunat ilaat Talebanit al-Qaedameersullu akiorniarlugit ilaminniit pilliuteqarnerujussuunerat oqallisaalersorlu.
Slovakiameersut sakkutuut ingeniørit 57-it maannakkut Afghanistanip kujasinerusortaaniipput, 2008-miillu sakkutuut taamaalillutik 111-nngussapput.