Slettemarkip sisoraatai tammaraluartut
- Sisoraatikka qoorortuuararalu maannarninni tammarput, taamaammat sungiusalerama sisoraatinik attartorpunga ullullu marlussuit siulliit ooqattaasarnertaqanngitsumik sisorarlunga, Øystein Slettemark oqaluttuarpoq.
Øystein Slettemarkilli sisoraatai qoorortuuaraalu ullut marluk qaangiummata tikipput, Slettemarkilu OL-ip aallartinngilaattaani maanna tassa sungiusarsinnaanngorpoq, angutit ujakkaarneranni arfininngorpat peqataassalluni.
- Whistlerimi ujakkaarfigissaaqaat. Qattorngit portuallaanngillat, kisianni ujakkaarfissaq periaatsitigut unammillernartuuvoq. Ujakkaarfissami tassani ulluni kingullerni sungiusartarpunga, sukataanngikkaluarlunga, ilikkaqaaralu. Pallorlunga ooqattaasarnera ajunngitsumik ingerlavoq, kisianni nikorfallunga ooqattaasarnera pitsanngorsartussaavara, Øystein Slettemark oqarpoq.
