Slettemark qamuuna attortisimaqaaq
- Arctic Circle Race-mi aamma taamatut misiginikuuvunga, tassa piffissarujussuaq atorlugu sungiusareerluni apuunnermi misigissutsinik taamaattunik qaffattoqartarami, Øystein Slettemark oqarpoq.
42-nik ukiullip taassuma angusani pakatsissutigilaarpaa. Ooqattaasarnermini eqqoriagassamini quliusuni, arfineq marluk uniorpai - taamalu 10 kilometerinut ujaakkaajutigaluni ooqattassarnermi peqataasunit 88-iusunit, normu 86-inngorluni.
- Pakatsivunga, tassami sungiusarninni piffissami kingullermi ooqattaasaraangama eqquilluartaraluarama. Aammami sila atoruminaakkujukkami siallerluni anorilu allamut saqittaqattaaginnavikkami, taamaattorli angusarissaannginnerunera nammineq pisuussutigaara, Slettemark oqarpoq.
Naak taassuma ooqattaasarnini pakatsissutigigaluarlugu, sisamanngorpat 20 kilometerinut ujakkaajutigaluni ooqattaasarnermi peqataanissani qilanaaraa.
