Slagelsemi toqutsisup meeraanera alianartuusimavoq

Oqaluttuaq taama ittoq takornartaanngilaq. Tujormisitaalluni meeraaneq toqutsinermik kinguneqartoq. Tamanna Slagelsemi toqutsinermik suliamut aamma atuuppoq, Hans-Lars Vittus Singertat 29-nik ukioqartup arnaatini Avike Simonsen toquppaa.
Allattoq Simon Uldum
juunip 27-at 2013 04:50

Aappariit siorna septembarimi erngunnerisa kingorna toqutsineq pivoq. Aappariit unnuk tamaat nipituumik kamaassimapput, Hans-Lars Singertaallu arnaatini uummataatigut kapivaa.

24 Sjællandskep ilanngutassiisartuata Lotte Overbjergip suliaq malittarisimavaa, taannalu Qanoruumut oqaluttuarpoq 29-nik ukiullip oqaluttuassartaa eqqartuussivimmi oqaluttuarineqartoq.

- 29-nik ukiullip peroriartornera alianartuuvoq. Tamanna eqqartuussivimmi paasivarput. Naalungiarsuusoq angajoqqaavinit arsaarinnissutigineqarpoq. Nukappiaraalluni angajoqqaaminut uterpoq, taakkulu imigassamik annertuumik ajornartorsiuteqarput. Angajoqqaavi kingorn ikuallagussaallutik ajunaarsimapput.

Hans-Lars Vittus Singertat ukiuni 12-ini parnaarussassanngortinneqarpoq. Toqutsineq ajutoornikkut pisimanerarlugu suliassanngorteqqippaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq