Skytten takuteqqaarneqassaaq
Filmimi qallunaat, kalaallit Amerikamiullu uuliasiortitseqatigiiffiisa Tunup Avannaani suleqatigiillutik uuliamik ujaasillutik qilleriniarnerat, Danmarkimi naalakkersuisut tapersersorlugu nalunaarutigaat.
Qallunaaq ujaqqat nunallu sananeqaataannik immikkut ilinniagaqarsimasoq Nunatsinnik soqutigisalik, tamanna pissutigalugu kamarujussuarpoq Københavnimilu isertorluni eqqaassilerluni.
Filmi 1977-imi filmiliaareersumit immiuteqqitaavoq, tamatumani atuagaq qallunaamit pinerluttulersaarutinik atuakkiortartumit Anders Bodelsenimit atuakkiaq tunngavigineqarluni.
Filmiliarineqaqqaartumi Jens Okkingimit pingaarnertut inuttaaffigineqartumi uuliasiorneq pineqarani atomip nukinganik nukissiorneq pissutigalugu aalassassimaartoqarpoq.
Annette K. Olesen Skyttenimi ilitsersuisuuvoq pingaarnertullu inuttaallutik Trine Dyrholm aamma Kim Bodnia.
Filmi Danmarkimi februaarip 28-anni takuteqqaarneqassaaq.
Skytten Nuummi Katuami marsip 23-annit takuneqarsinnaalissaaq.
