Skotlandip meeqqat niaqormiisarnissaat inerteqqutigilerniaraa
BBC naapertorlugu niaqormiinerit qaratsakkullu ajoqusernerit akornanni ataqatigiittoqartoq misissuinernit takutinneqareersorli Skotlandimi Arsaattartut Kattuffiata inerteqquteqalernissap atuutilernissaa ullualuit qaangiuttut piareerpaa.
USA-mi taama inerteqquteqarnermut assingusoq 2015-imilli inissereernikuuvoq.
Skotlandimiut misissuinerata oktobarimi saqqummersinneqartup arsaattartuusimasut puiortortunngornissamut pingasoriaammik aarlerinarnerusartut inerniliuuppaa.
Arsaattarnermili niaqormiisarnerit puigortunngornissamut ilumut aarlerinarnerutitsinersut uppernarsaatissarsivinneqanngilaq. Skotlandimiulli ilisimatuut ataqatigiittussarsinissaat utaqqinianngilaat.
Arsat plastikit atorneqartarnissaat siunnersuutigigaa
- Silatusaartumik alloriartariaqarpugut, inuusuttut unammisartut niaqormiisarnerisa amerlassusaannik annikilliiniarnissamut tunngavoq, nakorsaq arsaattartut kattuffiannut atassuteqartoq, John MacLean oqarpoq.
Arsaattartut Kattuffiani pisortap, Gordon Smithip arsaattartut niaqormiisarnermik siunissami ilinniannginnissaannik tamanna isumaqanngitsoq erseqqissaatigaa.
Taassumalu meeqqat niaqormiisarnermik sungiusassagunik arsat plastikiusut atortassagaat siunnersuutigaa.
Danmarkimi Dansk Boldspil-Unionimi inuusuttut sungiusarnissaannut pilersaarutinit niaqormiisarneq siusinnerusukkut peernikuuaa. Unionip meeqqat niaqormiisarnissaat inerteqqutiginngilaa, taamaaliortoqannginnissaali innersuussutigalugu.
/ritzau/
