Skotlandimi partiit namminiiliviniartut inatsisartuni ajugaapput

SNP aamma De Grønne Skotlandip Tuluit Nunaannit avissaarnissaa pillugu innuttaasunik taasisitsinissamik kissaateqartuupput. Partiit taakkua marluk inatsisartuni amerlanerussuteqalerput.
SNP-ip siulitaasuata Nicola Sturgeonip aalajagiusimavaa, Skotlanip namminiilivinnissaa pillugu nutaamik innuttaasunik taasisitsisoqassasoq. Assi © : Andy Buchanan/AFP/Ritzau Scanpix
Allattoq Ritzau
maajip 08-at 2021 18:55

Skotlandimi partiit Skotlandip namminiilivinnissaanik kissaateqartut inatsisartunut qinersinermi ajugaapput.

Qinersinermi maannamut kisinneqartut tamanna takutikkaat nutaarsiassaqartitsivik Reuters taama allaaserisaqarpoq.

Skotlandimi nunagisaminnik pingaartitsisut partiiat, Skotlands Nationale Parti SNP, partiit anginersaraat. amerlanerussuteqarluarnissaminnullu neriuutaat angunngitsoorpaat.

Partiip siulittaasuata Nicola Sturgeonip aalajangiusimavaa innuttaasunik taasisitsisoqassasoq.

Partiip SNP-ip De Grønne peqatigalugu kissaatigaat, Skotlandip Tuluit Nunaannit avissaarnissaa pillugu nutaamik innuttaasunik taasisitsisoqassasoq.

Inatsisartunut qinersinermi kisitsisit arfininngornerni unnukkut kisinneqartut naapertorlugit SNP aamma De Grønne inatsisartuni inissat 65-it pissarsiaraat,

Skotlandimi inatsisartuni ilaasortat katillutik 129-iusarput.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq